ინტელის საბაზო კურსის რეფლექსია

ცხრა სამუშაო შეხვედრის შემდეგ დავასრულეთ პროექტებზე მუშაობა, ჩემთვის ძალიან საინტერესო და ნაყოფიერი ტრენინგ კურსი, ვფიქრობ წარმატებულად განვახორციელეთ, ვიმუშავეთ 21-ე საუკუნის უნარების განვითარებაზე, შევქმენით ბლოგი, სადაც ყოველდღიურად ვდებდით და ვეცნობოდით დღის რეფლექსიებს, ვაძლევდით ერთმანეთს უკუკავშირს. კურსის დასრულებისას მოვისმინეთ პროექტების რეფლექსიები ერთმანეთისაგან.თითოეული პროექტი საინტერესო და ინფორმაციით დატვირთული იყო.
საინტერესო და ნაყოფიერი ცხრა სამუშაო დღე გავიარეთ, რისთვისაც მადლობა უნდა გადავუხადო პირველ რიგში ქალბატონ ლიას გაწეული სამუშაოსა და სრულყოფილი და ამომწურავი კურსის განხორციელებისათვის. მადლობა ტრენინგის მონაწილე თითოეულ პედაგოგს. დარაღა თქმა უნდა მასწავლებლის სახლს საინტერესო პროექტის შემოთავაზებისათვის.

ინტელის საბაზო კურსის VIII დღე

დღევანდელმა დღემ ნაყოფიერად ჩაიარა, ვიმუშავეთ ფასილიტაციის პრეზენტაციაზე, დავასრულე პროქტზე მუშაობა და  ჩემი ნამუშევრები ავტვირთე ბლოგზე.

დედამიწის დღე

ჩემი პროექტის პორტფოლიო

ინტელის საბაზო კურსის VII დღე

დღეს ვგავეცანით გარდნერის მრავალმხრივი ინტელექტის თეორიებს. განვიხილეთ დიფერენცირებული სწავლების სახეობები. შევქმენით რესურსი სამი ტიპის მოსწავლეებისათვის ; სსსმ, არაქართულეროვანი, ნიჭიერი მოსწავლეებისათვის.
დღევანდელი დღე იყოსაკმაოდ  საინტერესო და შრომატევადი.

ინტელის საბაზო კურსის VI დღე

დღეს ტრენინგზე განვიხილეთ მე-5 მოდული,ვნახეთ პრეზენტაცია.  ვიმუშავეთ  პროექტის დასრულების შემდგომ შეფასების მეთოდებსა და ინსტრუმენტებზე,  გავაკეთეთ შეფასების რუბრიკები.გავაგრძელთ მუშაობა პროექტის გეგმაზე. მე-6 დღემ საინტერესოდ ჩაიარა

ინტელის საბაზო კურსის V დღე

ინტელის საბაზო კურსის V დღის ტრენინგი დატვირთული და საინტერესო იყო, მოვისმინეთ საავტორო უფლებების შესახებ ინფორმაცია, გავეცანით რა არის საავტორო უფლებები, რა არის საჭირო უფლებების დასაცავად, ვიმუშავეთ საავტორო უფლებების შაბლობებზე, ტესტებზე. ვისწავლეთ როგორ მოვიპოვოთ სანდო ინფორმაცია სხვადასხვა წყაროებიდან. შვიმუშავეთ მოსწავლეთა სავარაუდო ნაშრომებზე.

ინტელის საბაზო კურსის IV დღე

წინა სამი დღის მსგავსად დღევანდელ დღესაც წარმატებით გავართვით თავი, ვიმუშავეთ შეფასების მეთოდებსა და სტრატეგიებზე
პროექტის მსვლელობის ეტაპები /შეფასების მეთოდი:

პროექტის დასაწყისში :

• ვიცი-მინდა ვიცოდე-ვისწავლე K-W-L გრაფიკები/ ცხრილი (ვ-მ-ვ)
• გონებრივი იერიში/ ასოციაციური რუკა;

 პროექტის მსვლელობისას:

• ჯგუფებზე დაკვირვება /ჯგუფურ სამუშაოზე დაკვირვების კითხვარი;
• არაფორმალური დაკვირვების და შემთხვევების ჩანიშვნა/ მოსწავლეებზე დაკვირვების ცხრილი; 
• წერითი და ზეპირი ტესტები /  ტესტური კითხვები;

 პროექტის დასრულების შემდეგ:

• ვიცი-მინდა ვიცოდე-ვისწავლე K-W-L გრაფიკები/ ცხრილი (ვ-მ-ვ);
• ფოტო ჟურნალები/კედლის გაზეთი / პრეზენტაციის შეფასების რუბრიკა .

გავაკეთეთ შეფასების მოკლე მონახაზი, ვიმუშავეთ  პრეზენტაციაზე PowerPoint-ში. დღევანდელი დღით ძალიან კმაყოფილი დავრჩი, შემდეგი დღეებისაგანაც იგივეს მოველი.

ინტელის საბაზო კიურსის III დღე

დღევანდელი ტრენინგი წინა დღეების მსგავსად საკმაოდ საინტერესო და ამავე დროს შრომატევადი იყო, ვიმუშავეთ პროექტის გეგმის შაბლონზე,  ჩამოვაყალიბე ჩემი პროექტის "დედამიწა შველას ითხოვს" საგნობრივი სტანდარტი, სასწავლო მიზნები და შედეგები. შევადგინე მიმართულების მიმცემი საკვანძო კითხვები.
ზოგადი კითხვა  :   რა არის საჭირო სამყაროს შესაცვლელად?
თემატური კითხვები:როგორ ადაპტირდებიან ადამიანები, ცხოველები და მცენარეები ცვალებად გარემოსთან? 

როგორ შეგვიძლია გავიუმჯობესოთ და უფრო უსაფრთხო გავხადოთ ჩვენი ცხოვრება დედამიწაზე?

 შინაარსობრივი კითხვები:რა იწვევს გარემოს დაბინძურებას?

რა საფრთხეების მატარებელია მოუწესრიგებელი გარემო?
რაში გვეხმარება მწვანე საფარი?

რატომ უნდა ვიზრუნოთ მცენარეებსა და ცხოველებზე?

რას გამოიწვევს ცხოველებისა და მცენარეების უდიერად მოპყრობა?

რატომ არ უნდა დავაბინძუროთ ჩვენი საცხოვრებელი გარემო?

ველი უკუკავშირს, სიამოვნებით მივიღებ რჩევებს და შესწორერბებს კოლეგებისაგან.

 

ინტელის საბაზო კურსის II დღე

ინტელის საბაზო კურსის მეორე  დღეც საკმაოდ შრომატევადი და ამავე დროს ნაყოფიერი იყო, მოვიფიქრეთ საპროექტო იდეები, ჩამოვაყალიბეთ ის იდეები რომლებიც ჩვენს მიერ განსახორციელებელ პროექტში იქნება მოცემული,  ვიმუშავეთ ბუკლეტების შექმნაზე.  დღეს გაწეული სამუშაო და მიღებული გამოცდილება გამიადვილებს პროექტზე მუშაობას.

ინტელის საბაზო კურსის I დღე

ინტელის საბაზო კურსის შესწავლა  დავიწყეთ ზოგადი მიმოხილვით, გავეცანით კურსის შინაარს, შევქმენით ჩვენს მიერ განხორციელებული პროექტის ასატვირთად  განკუთვმნილი ბლოგი,  1-მოდულის ფარგლებში ვისწავლეთ საქაღალდის შექმნა, ამ საქაღალდეებში მუშაობისათვის  საჭირო მასალის შენახვა დახარისხება,  მივიღეთ მითითებები, რჩევები,  დღეს შესწავლილი საკითხებიდან ჩემთვის ბევრი რამ იყო ახალი და საინტერესო,  რაც  დამეხმარება ჩემი პროექტების უკეთესად და სრულყოფილად დაგეგმვა -განხორციელებაში.